Тен Хаг Тимбердан воз кечмаган

21 ёшли футболчининг «қизил иблислар»га ўтиши мумкинлиги ҳақидаги миш-мишлар Эрик тен Хаг «МЮ» тайинланганидан сўнг дарҳол пайдо бўлганди. Келишув амалга ошмаган, бироқ «Юнайтед» нидерландиялик футболчини сотиб олишдан умидини узмаган, деб ёзмоқда The Sun нашри. Яқин вақтлар ичида клуб марказий ҳимоячининг трансфери борасидаги ишларни қайта бошлаши мумкин. Юррьен Тимбернинг қиймати 45 миллион еврога баҳоланган. Жорий мавсумда футболчи «Аякс» сафида 23та учрашувда иштирок этиб, 2та голли узатмани амалга оширган.