Улуғбек Мирзаев «Андижон» ФК бош директори, Нодирбекга эса«Chevrolet Tracker» совға қилинди

Маълум бўлишича, Про лигадан Суперлигага йўлланма олган «Андижон» клуби раҳбариятида ўзгариш кузатилди. Ўтган йиллар давомида «Бунёдкор» клуби бош директори лавозимида ишлаб келган Улуғбек Мирзаев вилоят ҳокими, вилоят футбол ассоциацияси президенти Шуҳрат Абдураҳмонов томонидан «Андижон» клуби бош директори этиб тайинланган. 
Маълумот учун, асли андижонлик бўлган 45 ёшли Мирзаевнинг каттаси асли спорт журналисти бўлиб "Футбол экспресс" ва "ИнтерФУТБОЛ" газеталарида фаолият кўрсатган. Кейинчалик, "Пахтакор" ва "Бунёдкор" ФКларда матбуот котиби бўлган.  Зотан, кичик Мирзаев, аниқроғи Улуғбекнинг укалари  Баҳодир Мирзаев айни кунда ОКМК жамоасинигг бош директори лавозимида ишлаб келмоқда. 

Айтганча, мавсум давомидаги фаол қўллаб-қувватлаш учун «Андижон» клуби мухлислари етакчиси Нодирбек Тўйчиевга «Tracker» автомобили совға қилинган.

Эслатиб ўтамиз, сўнгги икки йил давомида жамоага раҳбарлик қилган тадбиркор Журъатбек Қувватов клубга ҳомийлик қилишни тўхтатиши ҳақида хабар қилинган эди. У яқинда Андижон вилоят соғлиқни сақлаш бошқармаси раҳбари этиб тайинланганди. Жамоага янги ҳомий бириктирилиши кутилмоқда.