Врсалько фаолиятини якунлади

31 ёшли ҳимоячи кўплаб жароҳатлари туфайли шундай қарорга келган. Ноябр ойида у «Олимпиакос» билан шартномани бекор қилганди ва энди профессионал фаолиятини якунлади. Келажакда у футбол агенти бўлишни режалаштирмоқда. Врсалко Загребнинг «Динамо» клуби тарбияланувчиси ҳисобланади. Фаолияти давомида у «Женоа», «Сассуоло», «Атлетико Мадрид», «Олимпиакос» каби клубларда ўйнаган, бир мавсумни «Интер»да ижара асосида ўтказган. «Динамо» таркибида ҳимоячи 4 марта Хорватия чемпиони бўлган, икки бор мамлакат кубоги ва бир марта Суперкубокни қўлга киритган. «Атлетико» билан эса хорватиялик футболчи Испания чемпионлигини қўлга киритган ва Европа Лигаси ғолибига айланган. Врсалько Хорватия сафида 48та ўйинда майдонга тушган, 2018 йилги жаҳон чемпионатида кумуш медални қўлга киритган.