Хави ўрнига номзодлар тайёр

Агар испаниялик мутахассис каталонияликлар сафини тарк этса, унинг ўрнига «Барселона Атлетик» бош мураббийи Рафаэль Маркес олиб келинади. Маълумот учун, Рафаэль Маркес футболчилик фаолиятининг энг зўр даврларини айнан Каталонияда ўтказган. Мексикалик мутахассис «Барселона»даги етти йиллик фаолияти давомида 4 марта Испания чемпиони, 2 марта Чемпионлар лигасида ғолибликни қўлга киритган. Шунингдек, испаниялик журналист Адриан Санчес хабарига кўра, каталонияликлар «Арсенал» бош мураббийи Микель Артетага таклиф билан чиқишлари ҳам мумкин. Жоан Лапортага Артета варианти жуда ёқади. Эслатиб ўтамиз, Испания Суперкубоги финалида «Реал»дан учралган йирик (4:1) мағлубиятдан сўнг Хавига эътирозлар кўпайиб кетганди.