Хуб Стивенс фаолиятини якунлади

69 ёшли голландиялик мутахассис ҳатто ўз ватанидан келган клуб таклифини рад этганини тан олди. «Менга Нидерландия клубидан таклиф бўлган эди. Лекин мен энди ҳаётимни хавфга қўймоқчи эмасман. Бу йил мен 70 ёшга тўлдим, мураббийлик фаолиятим аниқ тугади. Ўзимни яхши ҳис қилсам ҳам, танам аниқ огоҳлантириш юборди. Шифокорлар перикардит ташхисини қўйишди», - дея Стивенснинг сўзларидан иқтибос келтиради Express.de. Эслатиб ўтамиз, Стивенс мураббийлик фаолиятининг асосий қисмини 1996 йилдан 2002 йилгача ва 2011 йил сентябридан 2012 йил декабригача «Шальке»да ўтказди. 2015 йилдан буён клуб бошқаруви аъзоси бўлиб, икки марта вақтинчалик бош мураббий сифатида ҳам ишлаган. У шунингдек, «ПСВ», «Кёльн», «Рода», «Гамбург», «РБ Зальцбург», «ПАОК», «Штутгарт» ва «Хоффенхайм» каби клублар билан ишлаган.