ЕЧЛ мавсумининг энг яхшилари эълон қилинди

Унга кўра, УЕФА техник мутахассислари талқинига бўйича 2021/2022 йилнинг энг яхши футболчиси сифатида «Реал» футболчиси Карим Бензема топилди. Франциялик футболчи жамоаси билан мусобақада ғалаба қозонди. Мавсум давомида 12та учрашувда майдонга тушиб, 15та гол ва 2та ассист муаллифига айланди. 

Энг яхши ёш футболчи эса «қироллик клуби»нинг яна бир вакили Винисиус Жуниор бўлди. Бразилия миллий жамоаси аъзоси 13та ўйинда 4та гол ва 6та ассист муаллифига айланганди.

ЕЧЛ 2021/22 йилги мавсум учун рамзий терма жамоаси эса бундай кўринишда:

Дарвозабон: Тибо Куртуа («Реал»)

Ҳимоячилар: Эндрю Робертсон, Виржил ван Дейк, Трент Александер-Арнолд (барчаси – «Ливерпуль»), Антонио Рюдигер («Челси»)

Ярим ҳимоячилар: Лука Модрич («Реал»), Фабиньо («Ливерпуль»), Кевин Де Брюйне («Манчестер Сити»)

Ҳужумчилар: Винисиус Жуниор, Карим Бензема (иккаласи ҳам «Реал»), Килиан Мбаппе («ПСЖ»).