«Юве» Контени қайтармоқчи

Tuttosport хабарига кўра, «Ювентус»нинг «Бенфика»дан учралган мағлубиятидан кейин жамоа раҳбариятининг Массимилиано Аллегрига нисбатан ишончи сўниб бормоқда. Клуб президенти Андреа Аньелли Антонио Конте жамоани ёшартириб, аввалги мавқеини тиклай олишига ишонмоқда. La Gazzetta dello Sport хабарига кўра, Конте Турин клубидан аниқ таклиф тушган тақдирда, «Тоттенхэм»ни тарк этиш масаласини кўриб чиқиши мумкин. Италиялик мураббийнинг амалдаги келишуви жорий мавсум якунига қадар белгиланган. Маълумот учун, «Юве» ЕЧЛ гуруҳ босқичидан плей-оффга йўлланма ололмади. Клуб «А» серияда 19 очко билан 8-ўринда бормоқда.