Ўзбекистон термаси мезбон Туркияга мағлуб бўлиб, финалга чиқа олмади

«Бешиктош» клубининг уй стадионида  бўлиб  ўтган  мазкур ўйинда  вакилларимиз Туркияга қарши  майдонга тушишиб, учрашув нинг 1-дақиқасида  киритилган ягона  гол  эвазига мезбонларга мағлуб бўлишди. Айтганча, улар  Европанинг амалдаги чемпиони саналишади.

Шундай қилиб, 5 карра Жаҳон чемпиони ҳисобланган Ўзбекистон 3-ўрин учун баҳсда Гаитига қарши майдонга тушса, Туркия финалда Африканинг яна бир вакили Анголага қарши (9 октябрь) бош соврин учун курашадиган бўлди.  
7 октябрь  
Ампутантлар ўртасидаги ЖЧ-2022.  Яримфинал.  
ТУРКИЯ - ЎЗБЕКИСТОН - 1:0 
*** 
СА да ёзилишича , мусобақада қатнашиш учун ҳар бир иштирокчи (24 та) терма жамоадан 5,000 (умумий 120,000) доллар миқдорида бадал пули олинган. Туркиядаги мундиалнинг соврин жамғармаси ҳақида эса аниқ маълумот йўқ.

Бироқ, фақатгина 2012 йил Россиянинг Калининград шаҳрида ўтган турнирда мусобақа ғолибига (ўшанда Ўзбекистон бўлган) 20 минг доллар пул мукофоти, иккинчи ҳамда учинчи ўринларга 15 ва 5 минг доллар миқдорида маблағ берилгани ҳақида хабарлар бор. Унгача эса ҳеч қандай соврин жамғармаси бўлмаган.