Синклэйр танг аҳволда қолди

Букингем саройи Буюк Британия қироличаси вафот этганини эълон қилганидан икки соат ўтгач, «Манчестер Сити», «Вест Хэм» ва Англия терма жамоасининг собиқ футболчиси твиттерда шундай деб ёзди: «Ирқчилик 60-йилларда тақиқланган эди ва ундан олдин у гуллаб-яшнаган. Нега қора танлилар ва осиёликлар мотам тутсин?!»

Юзлаб ижтимоий тармоқ фойдаланувчилари ушбу твитга салбий муносабат билдиришди. Агар у ерда эксперт бўлиб ишлаётган Синклэйр ишдан бўшатилмаса, Talksport-ни бойкот қилишга чақириқлар бўлган. Кўп ўтмай, собиқ футболчи ушбу постни ва «Твиттер» аккаунтини ўчириб ташлади.

Talksport баёноти эса шундай бўлди: «Биз Тревор Синклэйр билан унинг твиттерида ёзганларидан кейин боғланишга ҳаракат қиляпмиз. Радиостанция унинг фикрини қўллаб-қувватламайди ва масалани ўрганмоқда».

Қайд этилишича, Синклэйрнинг кечаги твити Елизавета II ҳақидаги аввалги баёнотларидан кескин фарқ қилади.