The Best-2023. Месси йилнинг энг яхши футболчиси, Гвардола энг яхши мураббий...

Ўтган йили «ПСЖ» билан Франция чемпионлигини қўлга киритиб, сўнг «Интер Майами»га ўтган ҳужумчи 3-бор The Best мукофотини қўлга киритди.  
Месси соврин учун курашда Эрлинг Ҳоланд («Манчестер Сити» / Норвегия) ва Килиан Мбаппени  («ПСЖ» / Франция) ортда қолдирди. 
Айтганча, Месси ва Ҳоланднинг очколари тенг келди. Регламентга кўра, миллий жамоалар сардорларининг овозлари қўшимча кўрсаткич сифатида олинди. 
 
Хуллас, сардорлар ва мухлислар Мессига фақат Франция чемпиони бўлган йилида ҳам The Best'ни келтиришди. 
Кутилганидек Хосеп Гвардиола 2023 йилнинг энг яхши мураббийи деб топилди.   
 
Испаниялик мутахассис Симоне Индзаги («Интер») ва Лучано Спалеттини («Наполи» / Италия миллий жамоаси) ортда қолдириб, The Best мукофотини қўлга киритди.  
Пеп ўтган йили «Манчестер Сити» билан требл қайд этди, Европа Суперкубоги ва клублар ўртасидаги жаҳон чемпионатида ҳам зафар қучди. 
Эдерсон 2023 йилнинг энг яхши дарвозабони деб топилиб, The Besт мукофотини қўлга киритди.  
«Манчестер Сити» посбони соврин учун курашда Тибо Куртуа («Реал»/ Белгия) ва Ёсин Бунуни («Севиля», «Ал Ҳилол» / Марокаш) ортда қолдирди.  

*** 
Одатдагидек, йилнинг рамзий жамоаси  ҳам  эълон қилинди. Таркибдан требл қайд этган «Манчестер Сити»нинг 6 ўйинчиси ўрин олди.  
Жамоа 3-3-4 схемасида кўриниш олди: 
Дарвозабон: Тибо Куртуа («Реал» / Белгия); 
Ҳимоячилар: Кайл Уокер («Манчестер Сити» / Англия), Жон Стоунз («Манчестер Сити» / Англия), Рубен Диаш («Манчестер Сити» / Португалия); 
Ярим ҳимоячилар: Кевин де Брюйне («Манчестер Сити» / Белгия), Бернарду Силва («Манчестер Сити» / Португалия), Жуд Беллингҳэм («Боруссия Д», «Реал» / Англия); 
Ҳужумчилар: Килиан Мбаппе («ПСЖ» / Франция), Винисиус Жуниор («Реал» / Бразилия), Эрлинг Ҳоланд («Манчестер Сити» / Норвегия), Лионель Месси («ПСЖ», «Интер Майами» / Аргентина). 
 

*** 
Аёллар футболида энг яхшилар: Энг яхши ўйинчи — Айтана Бонмати («Барселона» / Испания) 
Энг яхши мураббий — Сарина Вигман (Англия миллий жамоаси)  
Энг яхши дарвозабон — Мари Эрпс («МЮ» / Англия) 
*** 
Ўйин вақтида чақалоғининг қорнини тўйдирган ота, Аргентинанинг «Колон Санта Фе» клуби фанати йил мухлисига айланди... 
*** 
«Ботафого» яримҳимоячиси Гилермо Мадруганинг Бразилия чемпионатида киритган тўпи йилнинг энг чиройли голи деб топилди.

*** 
Fair   Play соврини ирқчиликка қарши курашган Бразилия миллий жамоасига берилди 
*** 
Шу ўринда бизнинг вакиллари-  Шомуродов ва Катанец Мессини 1-ўринга қўйишган, Файзиевда Ҳоланд етакчи

Аргентина миллий жамоаси сардори Лионел Месси йилнинг энг яхши ўйинчиси деб топилиб, The Best-2023 мукофотини қўлга киритди.  

Ўзбекистон миллий жамоаси бош мураббийи Сречко Катанец ва сардор Элдор Шомуродов айнан Леони 1-ўринга қўйишган, медиа раҳбари Даврон Файзиев эса Эрлинг Ҳоландни энг зўр деб топган.  

Элдор Шомуродов:  

1. Лионел Месси 

2. Килиан Мбаппе 

3. Эрлинг Ҳоланд 

Сречко Катанец:  

1. Лионел Месси 

2. Эрлинг Ҳоланд 

3. Килиан Мбаппе 

Даврон Файзиев:  

1. Эрлинг Ҳоланд 

2. Лионел Месси 

3. Килиан Мбаппе