Тонали «Милан»дан кетишни истамаган

MilanLive нашри хабарига кўра, 23 ёшли италиялик футболчи жамоани тарк этишни истамаган. «Милан» уни сотмоқчи эканлигини билгач, футболчи йиғлаб юборди. Қайд этилишича, футболчини «россонерилар» бош скаути Жоффре Монкада чақирган ва у Тоналини «Ньюкасл» таклифига рози бўлишга ундаган. Рад этилган тақдирда, Монкада 2027 йилгача шартнома шартларини қайта кўриб чиқишини қайд этди. Тоналининг кетиш қарорига Паоло Мальдинининг клуб директори лавозимидан кетиши ҳам таъсир кўрсатди. Олдинроқ инсайдер Фабрицио Романо «Ньюкасл» Тонали учун рекорд даражадаги 70 миллион евро тўлашини айтганди.

Бу орада «Милан» Сандро кетганидан кейин Иброҳим Сангаре билан шартнома имзоламоқчи. GOAL хабарига кўра, ПСВ ярим ҳимоячиси «Ньюкасл»га кетадиган футболчига ўринбосар бўлиши мумкин. 25 ёшли ивуарлик футболчига «ПСЖ» ҳам қизиқиш билдирмоқда, аммо Луис Энрике бош мураббий этиб тайинлангач, вазият ўзгариши мумкин. «Россонерилар»нинг эътиборини тортган яна бир ярим ҳимоячи «Бенфика» футболчиси Флорентино Луис бўлди.