Тонали расман «Ньюкасл»да!

Мазкур трансфер клубга 70 миллион еврога тушди. Ярим ҳимоячининг ўзи билан 5 йиллик битим имзоланган. Маълумот учун, Тонали 2020-2023 йиллар оралиғида «Милан»да тўп сурди. У Италия жамоасидаги фолияти давамида 130та ўйинда майдонга тушиб, 7та гол урди ва 13та ассист амалга оширди.

Алоҳида эътироф этиш жоиз, ушбу трансфер бирданига 3та рекордни янгилади:

1. Тонали энг қиммат италиялик футболчига айланди (аввалги рекорд Жоржиньога тегишли бўлиб, «Челси» уни 57 млн. еврога харид қилганди);

2. Тоналининг трансфери «Милан» тарихидаги энг қиммат сотув бўлди (аввалги рекорд Какага тегишли бўлиб, «Реал» уни 67 млн. еврога сотиб олганди);

3. Тоналининг трансфери «Ньюкасл» тарихидаги энг қиммат харид бўлди (аввалги рекорд Александер Исакка тегишли бўлиб, «ҳаккалар» уни «Реал Сосьедад»дан 70 млн. еврога сотиб олишганди).