Тони 8 ойга четлатилди (?)!

Англия футбол ассоциацияси расмий хабарига кўра, футболчи букмекерлик сайтлар орқали ўйинларга пул тикиб келган. Ўтган йиллар давомида Тонининг шахсан ўзи пул тиккани тасдиқланган 200дан ортиқ ҳолат аниқланган. Шу тариқа, АФА қарорига кўра Айван Тони 8 ойга футболдаги ҳар қандай фаолиятдан четлатилди. Футболчи дисквалификациядан ташқари, 58 минг евро жарима тўлайди. Дисквалификация муддати 2024 йилнинг 16 январь куни тугайди. Қайд этиш жоиз, Англияда профессионал спорт билан шуғулланадиган спортчилар, клублар ходими ва футбол расмийларининг тотализатор ўйинларида иштироки, ўйнаши қатъиян ман этилган. Маълумот учун, Тони жорий мавсум клуби сафидаги 35 ўйинда 21та гол ва 5та ассистга муаллифлик қилган. У АПЛ тўпурарлари рўйхатида Холанд (36) ва Кейндан (27) кейин 20та гол билан 3-ўринда бормоқда. Аввалроқ, англиялик 27 ёшли ҳужумчига «Челси» ва «МЮ» қизиқиш билдираётгани ҳақида хабарлар тарқалганди.