Манба: Нагельсманни Тухель алмаштирди!

Bild нашрининг хабар беришича, клуб раҳбарияти 35 ёшли мутахассисни истеъфога чиқаришга қарор қилди. «Бавария» (52) ЖЧ-2022дан сўнг «Боруссия Д.»га (53) 9 очколик фарқни қайтаришга ва Бундеслигада пешқадам бўлиб олишга имкон берди. Бу эса клуб раҳбарларини ғазаблантирди. Томас Тухель «Бавария» раҳбарларини унинг қўл остида жамоа тараққиётга эришишига ишонтира олди. Журналист Флориан Плеттенбергнинг ёзишича, германиялик мутахассис бир неча ҳафтадан бери Мюнхенда истиқомат қилади ва клуб раҳбариятини ҳозирги жамоани ривожлантириш режалари билан ҳайратда қолдирган. У ғайратли ва биринчи машғулотини душанба куни ўтказади. Юлиан Нагельсманн сўнгги кунларда жамоа билан ишламади. «Бавария»нинг навбатдаги ўйини 1 апрель куни Тухелнинг собиқ жамоаси Дортмунд «Боруссия»сига қарши ўтказилади.