“Урава” 3 марта ОЧЛ соҳибига айланди

Saitama Stadium 2002 спорт мажмуасида ўтказилган мазкур ўйинда  “Урава Ред Даймондс”  жамоаси амалдаги чемпион “Ал-Ҳилол” жамоасига қарши баҳс олиб борди. 
Ўйиннинг 1-бўлимида дарвозалар ишғол этилмади. 2-таймда эса японияликлар ҳисобда олдинга чиқиб олишди. Гап шундаки,  49-дақиқада “Ал-Ҳилол” футболчи Андре Каррилё ўз дарвозасини ишғол қилиб қўйди. Ўйин 1:0 ҳисоби билан якунланди. Зотан, Ар-риёда кечган дастлабки қарама-қаршиликда  томнлар муроса йўлини (1:1 ҳисоби) танлашган эди. 
Шу тариқа “Урава Ред Даймондс” Осиё Чемпионлар Лигасининг 3 карра 92007, 2017 ва 2023 йилларда)  ғолибига айланди. 
Айтганча, Япониянинг 5 карра чемпиони, 8 марта Император кубоги бўлган бу клуб энди клублар ўртасидаги ЖЧда Осиё минтақаси шарафини ҳимоя қилади. 
Эслатиб ўтамиз, ОЧЛ-2022 турнири баҳслари ҳал қилувчи ўйинлари ОФК қарори билан 2023 йилга кўчирилганди. ОЧЛ, Финал. Жавоб учрашуви. 
6 май, шанба 
“УРАВА РЕД ДАЙМОНДС” — “АЛ-ҲИЛОЛ”-1:0 (0:0) 
Гол: 1:0 — 49 Каррилё (автогол). 
“Урава Ред Даймондс”: Нишикава, Сакаи, Шолс, Ҳёйбратен, Акимото, Ивао, Ито (Шибато, 86), Окубо, Коизуми (Ясуи, 72), Секине (Огивара, 86), Короки (Канте, 72) 
“Ал-Ҳилол”: Ал Майуф, Абдулҳамид, Ал Булайҳи, Ал Бурайк (Ал Ями, 80), Канно (Ал Жувайр, 88), Отайф (Ал Довсари, 68), Каррилё, Микаэл, Ал Ҳамдан (Ал Шеҳри, 68), Игало. 
Огоҳлантиришлар: Окубо (36), Ал Булайҳи (88).