Бир кун янгилиги: "Нефтчи" ва "Металлург" "қариндошми"?

«Нефтчи» ўз майдонида «Металлург»ни 3:0 ҳисобида енгди.  
Тасодифми? Бундай деб ўйламайман. Бироз ўйлаш учун маълумот: gazeta.uz хабарига кўра, «Узбекнефтегаз» 2021 йилнинг октябрида Jizzakh Petroleum гуруҳининг 49 фоиз улушини сотиш бўйича келишувни якунлаб, уни Кипрнинг Belvor Holding Limited оффшор компаниясига ўтказган. ОАВда бу компанияни Eriell Group нефтесервис компания­си бошқарув раиси Бахтиёр Фозилов (унинг асосий акция­дор эканлиги ҳам маълум қилинган) ва Enter Engineering (Ўзбекистондаги энг йирик ЭПC-пудратчилардан бири, «Газпромбанк акциядорлари қаторида) билан боғлашади. ОАВда ёзишларича, Eriell «Ўзметкомбинат» бошқарув компанияси ҳисобланади. Яъни у моҳиятан «Металлург» эгасидир. Eriell яна «Сурхон» ҳомийси. Бу нимани англатади? «Нефтчи»га ҳам испаниялик мураббий келишиними?

Алишер Никимбаев, “Футболиум” канали