Греция миллий жамоаси ҳимоячиси Жорж Болдок вафот этди.
«Панатинаикос»нинг 31 ёшли футболчиси чоршанба куни ўз уйи яқинидаги бассейндан ўлик ҳолда топилди. Бунгача Болдокнинг рафиқаси бир неча соат давомида у билан боғлана олмаган. Ҳозирда полиция ҳимоячининг ўлими юзасидан тергов олиб бормоқда. Ўлим сабаблари ҳозирча номаълум, аммо унинг танасида ҳеч қандай жароҳат топилмаган.Болдок 2024 йилнинг ёзидан бери «Панатинаикос»да ўйнаётган ва грек клубига «Шеффилд Юнайтед»дан ўтганди. У Греция миллий жамоасининг октябрь ойидаги ўйинларига чақирилмаганди.
