23 Nov, 2024

Ëпиш

Мақолалар

Миллий футболимизга оид статистика ёхуд Бир хатолик изидан

By Хўжа Абдулаҳад AA 18 Jun, 2022 36 дақиқа ўқиш 976 Кўрилди

0 comments 0 likes

Миллий футболимизга оид статистика ёхуд Бир хатолик изидан

Суперлига 9-туридан ўрин олган «Қўқон-1912» - «Пахтакор» ўйини (1:1)да чемпионатимиз учун навбатдаги тарихий воқелик қайд этилди.

Саудия Арабистонида ташкиллаштирилган ОЧЛ гуруҳ босқичи учрашувида жароҳатланиб, турнирда «шерлар»га тўлақонли ёрдам беролмаган Драган Черан сафга қайтишини гол билан нишонлади. Яъни 66-дақиқада майдонга тушган сербиялик голеадор ўйин якунида ҳисобни очди (тўғри, пойтахтликлар сўнгги лаҳзада пенальтидан гол қўйиб юбориб, ғалабани қўлдан чиқаришди). Чераннинг голи эса унинг учун Ўзбекистон чемпионати элит лигасидаги юбилей - юзинчиси бўлди! У бу маррани юртимиздаги фаолиятининг 7-йили забт этди.

Ҳа, матбуотда олдинроқ Чераннинг 100та гол маррасига етгани ҳақида хабар берилган эди, лекин журналистлар бу масалада бироз шошилишган. Ҳаммаси сербиялик ҳужумчининг голларини ҳисоблашдаги кичик бир хатолик ортидан юзага келди. Гап шундаки, 2020 йилги мавсум статистикасида Драган ҳисобига 21та гол ҳисобланган. Аслида бу нотўғри. Ўша мавсум чемпионати сарҳисобида хато туфайли сербиялик легионер номига 1та ортиқча гол ёзилган. Гап «Пахтакор»нинг «Сурхон» майдонидаги ўйинида урилган гол ҳақида кетмоқда. Чемпионат якунида «ИнтерФутбол» нашрида Чераннинг 20та гол ургани қайд этилган ва бу тўғри.

Энди Қўқондаги тарихий воқеликка келсак, Драган Черан миллий чемпионатимиз элит лигасида 100та гол маррасига етган иккинчи легионер бўлди. Маълумот учун, 100та гол довонидан ошган дастлабки хорижлик футболчи - бу туркманистонлик ярим ҳимоячи Артур Геворкян. У юбилей 100-голини 2018 йили «Қизилқум» сафида нишонлаганди. Аниқроқ айтсак, Артур 24 июль куни Фарғонада «Нефтчи»га қарши кечган баҳсда ягона голга муаллифлик қилиб, Навоий жамоасига ғалаба тақдим этганди. Қисқаси, Геворкяннинг юбилей голи жамоасига ғалаба келтирган Драган Черанникидан фарқли ўлароқ. Лекин сербияликда шу мавсумнинг ўзида Ўзбекистон чемпионатида энг кўп гол урган хорижлик бўлиб олиш имконияти етарли. Чунончи, у 10-турда «Локомотив» дарвозасини ҳам нишонга олиш асносида иккинчи 100таликни ҳам «майдалаш»га тушди. Геворкян эса 106та гол маррасида тўхтаган. Демак, Черан яна 5та гол урса, пешқадамга етиб олади.

Умуман олганда, Ўзбекистон чемпионати элит лигаси тарихида 500 нафардан ортиқ легионер ўйнаган бўлса, улардан атиги 58 нафарига 10та гол маррасидан ўтиш насиб этган, холос. Ҳозирда Геворкян ва Чераннинг пешқадамлиги дахлсиз. Ҳар ҳолда, легионер тўпурарлар рўйхатида 3-бўлиб турган тожикистонлик Зокир Бердиқулов ҳисобида 60та гол бор, холос.

Ўзбекистон чемпионати элит лигасида 20та гол маррасига етган легионерлар

№	Футболчи	Ампл.	Туғ. йили	Мамлакати	Клублари	Мавсум	Гол
1.	Артур Геворкян	Яр. ҳим.	1984	Туркманистон	«Шўртан», «Пахтакор», «Насаф», «Локомотив», «Қизилқум»	13	106
2.	Драган Черан	Ҳуж.	1984	Сербия	«Насаф», «Пахтакор»	7	101
3.	Зокир Бердиқулов	Ҳуж.	1972	Тожикистон	«Янгиер», «Нефтчи», «Гулистон», «Зарафшон», «Машъал», «Насаф», «Қизилқум»	10	60
4.	Алексей Жданов	Ҳуж.	1976	Россия	«Чилонзор», «Сўғдиёна», «Дўстлик», «Пахтакор», АГМК	6	58
5.	Шуҳрат Шамсиев	Ҳуж.	1970	Тожикистон	«Янгиер», «Нефтчи», «Андижон», «Зарафшон»	9	56
6.	Шуҳрат Жабборов	Ҳуж.	1973	Тожикистон	«Чилонзор», «Сўғдиёна», «Машъал», «Динамо»	8	50
7.	Муҳсин Муҳаммадиев	Ҳуж.	1966	Россия	«Нурафшон», «Динамо»	3	48
8.	Илья Коваленко	Ҳуж.	1980	Қирғизистон	«Нефтчи», «Металлург»	11	47
9.	Тоҳир Мўминов	Яр. ҳим.	1970	Тожикистон	«Навбаҳор», «Нурафшон», «Андижон»	8	43
10.	Кахи Махарадзе	Яр. ҳим.	1987	Грузия	«Пахтакор», «Сўғдиёна», «Локомотив»	14	42
11.	Элгужа Григалашвили	Ҳуж.	1989	Грузия	АГМК, «Қизилқум», «Навбаҳор»	5	38
12.	Неманья Йованович	Ҳуж.	1984	Сербия	АГМК, «Андижон», «Навбаҳор», «Қизилқум»	4	35
13.	Гочқули Гочқулиев	Ҳим.	1977	Туркманистон	«Пахтакор», «Локомотив»	7	35
14.	Ихеруоме Уче	Ҳуж.	1987	Нигерия	«Пахтакор», «Шўртан»	4	34
15.	Ривалдо	Яр. ҳим.	1972	Бразилия	«Бунёдкор»	3	31
16.	Шуҳрат Тошпўлатов	Яр. ҳим.	1973	Тожикистон	«Насаф»	7	31
17.	Александр Пишур	Ҳуж.	1981	Украина	«Бунёдкор», «Навбаҳор»	3	30
18.	Артурас Фоменко	Ҳуж.	1977	Литва	«Андижон», «Сўғдиёна», АГМК, «Нурафшон», «Локомотив», «Шўртан»	6	27
19.	Сергей Дуб	Яр. ҳим.	1975	Украина	«Андижон», «Қизилқум»	8	26
20.	Альберт Цараев	Ҳуж.	1967	Россия	«Нефтчи»	2	25
21.	Ариф Мирзоев	Ҳуж.	1980	Туркманистон	«Навбаҳор», «Динамо», «Шўртан»	3	25
22.	Патрик Агбо	Ҳуж.	1981	Нигерия	«Навбаҳор», «Бунёдкор», «Шўртан»	7	22
23.	Тиаго Безерра	Ҳуж.	1987	Бразилия	«Пахтакор»	2	21

Ўзбекистон чемпионати элит лигасида

10-19та гол урган легионерлар

24. Хосе Луис Вильянуэва (Чили) - 2 мавсумда 19та

25. Арсланмурат Аманов (Туркманистон) - 5 мавсумда 19та

26. Йован Жокич (Сербия) - 5 мавсумда 19та

27. Милош Трифунович (Сербия) - 2 мавсумда 18та

28. Александр Касьян (Россия) - 3 мавсумда 18та

29. Константин Павловский (Тожикистон) - 3 мавсумда 18та

30. Шавкат Абдураҳмонов (Қирғизистон) - 6 мавсумда 18та

31. Игорь Кичигин (Россия) - 6 мавсумда 18та

32. Евгений Гоголь (Россия) - 7 мавсумда 18та

33. Филипп Райевац (Сербия) - 3 мавсумда 17та

34. Леван Мдивнишвили (Грузия) - 2 мавсумда 16та

35. Элшан Гамбаров (Озарбайжон) - 4 мавсумда 16та

36. Даврон Бабаев (Қирғизистон) - 6 мавсумда 16та

37. Виталий Алекперов (Туркманистон) - 1 мавсумда 15та

38. Боян Калевич (Черногория) - 4 мавсумда 15та

39. Шуҳрат Мамажонов (Тожикистон) - 6 мавсумда 15та

40. Иосиф Хуажев (Россия) - 5 мавсумда 14та

41. Дмитрий Батинков (Россия) - 3 мавсумда 13та

42. Матэ Ватцадзе (Грузия) - 3 мавсумда 13та

43. Николай Риднюк (Беларусья) - 3 мавсумда 13та

44. Дарко Станоевич (Сербия) - 7 мавсумда 13та

45. Эрен Дердийок (Швейцария) - 2 мавсумда 12та

46. Владимир Постоладьев (Украина) - 2 мавсумда 12та

47. Марко Станоевич (Сербия) - 2 мавсумда 12та

48. Шокир Зауги (Тунис) - 3 мавсумда 12та

49. Стевица Ристич (Македония) - 1 мавсумда 12та

50. Вадим Чемиртан (Молдова) - 3 мавсумда 11та

51. Дмитрий Кондратович (Украина) - 4 мавсумда 11та

52. Дидар Ҳожиев (Туркманистон) - 5 мавсумда 11та

53. Фахриддин Шарипов (Тожикистон) - 6 мавсумда 11та

54. Иван Бошкович (Черногория) - 2 мавсумда 10та

55. Георгий Мегреладзе (Грузия) - 2 мавсумда 10та

56. Дарко Маркович (Черногория) - 3 мавсумда 10та

57. Ораз Назаров (Тожикистон) - 3 мавсумда 10та

58. Давлатмурат Атаев ( Туркманистон) - 4 мавсумда 10та

----------------------------------------------------------------------------------------

Изоҳ: жамоалар битта ном остида келтирилди. Мисол учун, «Нурафшон» ҳозирги «Бухоро» ёки «Қўқон-1912» олдинги «Темирйўлчи».

Сергей КНЯЗЕВ

Хўжа Абдулаҳад AA

Мақолалар

АНА, ХОЛОС! Тайрон, бу қандай аҳмоқлик?

22 Nov, 2024 14 дақиқа ўқиш 27 Кўрилди

ЧЛ-2024|2025да жуда зўр старт олган «Астон Вилла» лига босқичи 4-турига келиб, биринчи мағлубиятни тан олди.

Мақолалар

Танишинг, тезкор тўпурарлар!

22 Nov, 2024 29 дақиқа ўқиш 25 Кўрилди

Яқинда «Манчестер Сити» ҳужумчиси Эрлинг Холанд жамоаси учун 100-голини ҳадя этиб, жаҳон миқесидаги тенгсиз натижани қайд этди - бунинг учун тўпурарга 105та ўйин етарли бўлди.

Мақолалар

Тён Копмейнерс: "Зидан туфайли болалигимдан "Ювентус" мухлисиман"

22 Nov, 2024 41 дақиқа ўқиш 25 Кўрилди

Жорий мавсум арафасида 55 миллион евро эвазига «Аталанта»дан харид қилинган Тён Копмейнерс 6 октябрь куни ўтказилган «Юве»нинг «А» Серия 7-тур доирасидаги «Кальяри»га қарши уй учрашуви (1:1)да жароҳат олганди.