Руд ван Нистелрой “Манчестер Юнайтед”да қолмоқчи.

By Пўлатов Мухаммадхон 01 Nov, 2024 6 дақиқа ўқиш 57 Кўрилди

0 comments 0 likes

Руд ван Нистелрой “Манчестер Юнайтед”да қолмоқчи.

Хабарингиз бор, Ван Нистелрой Эрик тен Хаг истеъфога чиқарилгач, "Манчестер Юнайтед"ни вақтинчалик бош мураббий сифатида қабул қилди - унинг қўл остидаги жамоа Англия Лига кубоги ўйинида "Лестер"ни мағлуб этди (5:2).

Олдинроқ "Манчестер Юнайтед" бошқарувига тез орада "Спортинг" бош мураббийи Рубен Аморим тайинланиши ҳақида маълумотлар пайдо бўлганди.

“Улар менга ишим узоқ давом этмаслигини аниқ айтишди. Мен буни тўғри тушундим. Эрикнинг кетиши жуда ачинарли. Якшанбадан кейин нима бўлишини кўрамиз.

Мен ҳали ҳам бу мавсумда ва кейинги мавсумда бош мураббийга ёрдамчи бўлиб қайтишни жуда хоҳлайман, клубга ёрдам бериш учун жуда ғайратлиман - бу менинг мақсадим” – деди Нистелрой.

- Жорий мавсум "Манчестер Юнайтед" учун нима хато бўлди ва нега?

- Шундай нарсалар борки, уларни тушунтириб бўлмайди. "Брайтон"га қандай гол урганимизни эслайман, аммо якунда 1:2 ҳисобида мағлуб бўлгандик. Кўп ўйинларда биз яхшироқ натижага эришишимиз мумкинлигини ҳис қилдик - масалан, "Пелас", "Вест Хем", "Порту", "Фенербахче"га қарши. Лекин асосийси натижа эканлигини ҳам биламиз ва бу бизнинг ишимизнинг бир қисми.