Ўсмирларимиз камбэк кўрсатишиб, Осиё чемпионати финал босқичига йўлланма олишди

Тошкентдаги «Жар» стадионида J гуруҳи доирасидаги марказий баҳсда Жамолиддин Раҳматуллаев шогирдлари  иродали ғалабага эришишди. 
Шундай қилиб, ўсмирлар термаси 2 ўйиндан кейин 6 очко билан ўсмирлар ўртасидаги Осиё чемпионати финал босқичига йўлланма олди. Эслатиб ўтамиз, улар дастлабки ўйинда Брунейни 14:0 ҳисобида мағлуб этишганди.

Осиё кубоги U17 саралаши.
Ўзбекистон U17 – Жанубий Корея U17 - 3:2
Ҳакам: Бижан Ҳайдари (Эрон)
Голлар: Бюнгхон 72 (ўз дарвозасига), Лазизбек Мирзаев 81, Мамадалихон Олимов 88 – Канг Мин Ву 26, Бюнгхон 77.
Ўзбекистон: 21.Муҳаммадюсуф Собиров, 3.Даниел Панфёров, 5.Азизбек Тўлқинбеков, 6.Озодбек Ўктамов, 7.Лазизбек Мирзаев, 8.Беҳруз Шукруллаев, 13.Беҳруз Жуматов, 14.Шодиёр Шодибоев, 17.Оллоберган Каримов, 19.Шерзодбек Абдулбориев, 23.Дилшод Абдуллаев.
Захира: 1.Диёрбек Тўлабоев, 2.Мамадалихон Олимов, 4.Озодбек Сотволдиев, 9.Амирбек Саидов, 10.Абдулҳамид Турғунбоев, 11.Зикриллохон Мухторов, 12.Асилбек Нўъмонов, 15.Даниил Нугуманов, 16.Аминбек Ёқубов, 18.Абдулҳамид Икромов, 20.Қувончбек Абраев, 22.Беҳруз Исматов.

Осиё Кубоги  U-17 саралаши доирасидаги Ўзбекистон — Жанубий Корея (3:2) баҳсидан сўнг жамоалар мураббийлари ўз тассуротлари билан ўртоқлашишди.
Бюн Сун Хван (Ж.Корея): - Авваламбор Ўзбекистон термасини ғалаба билан табриклайман. Қолаверса, шогирдларим кўрсатган ўйиндан ва албатта натижадан қониқмадик.
1-бўлимда босимга дош бердик, 2- бўлимда эса ҳимоячиларимизнинг хатолари сабаб голлар ўтказиб юбордик. 6 очко олишга келгандик... 

Жамолиддин Раҳматуллаев (Ўзбекистон): - Ҳаммани бугунги ғалаба ва Осиё Кубоги йўлланмаси билан табриклайман. Сизларнинг қўллаб-қувватлашларингизни ҳис қилиб турдик. Мақсадларимиз катта.  Биринчи бўлим бироз ҳаяжон остида ўтди. Бу ёшда психология катта роль ўйнайди. Лекин йигитларни руҳлантиришга максимум ҳаракат қилдик. Ўзимизга ишончни тиклаб олиш учун бироз вақт керак бўлди. 
Ҳали тўғрилайдиган жиҳатларимиз бор. Босимга чидамли бўлишимиз зарур. Хатоларимиз кўплигини биламиз. Уларни тўғрилаймиз. Бундан ҳам кўпроғига қодирмиз. 
Аммо барибир жисмоний жиҳатдан камчиликларимиз бор. Европа жамоалари билан ўйнаганда атлетизмдан сустлигимиз кўринди. Бунда клубларнинг роли катта. Уларда ҳам ижобий ўзгаришларни кўряпман...