Масала ечими – «ақлли» терминал

Хусусан, «Алавес»га қарши ўйин олдидан «Рейно-де-Наварра» стадиони дарвозаси ёнига терминал жойлаштирилди. Мухлислар стадионга киришда махсус мобиль илова воситасида шахсий маълумотларини тақдим этишади. Шунингдек, қўл телефонидаги оддий селфи ҳам кифоя қилиши мумкин. Sports.ru сайтининг қуйидаги мақоласи шу ҳақда.   

Янги ғоянинг плюс томонларидан бири шуки, стадионга киришда навбат кутиш вақти сезиларли даражада камая­ди. Тўғри, терминалга тоби йўқ, мобиль иловаларни тушунмайдиган фанатлар аренага олдингидек қоғоз ёки электрон чипта билан ҳам киришлари мумкин. Хуллас, «Осасуна» мухлисларга икки йўлдан бирини танлаш имконини бермоқда: терминал ёрдамида навбатсиз кириш ва чипта билан маълум вақт кутиш.    

«Осасуна» раҳбариятининг маълум қилишича, синов тариқасида йўлга қўйилган бу тажриба самараси кутилган даражада чиқса, яқин келажакда «Рейно-де-Наварра» стадионидаги барча кириш дарвозалари олдига технологик терминаллар ўрнатилади. Қизиқ, моддий-техник базаси бой клубларга тўла Ла Лигада стадионга киришни автоматлаштириш ҳаракатини нега айнан камтарин «Осасуна» бошлаб берди? Гап шундаки, Памплона жамоаси инсон шахсини юз қиёфасидан аниқлаштириш борасида маълум ютуқларга эришган dasGate компанияси билан ҳамкорлик қилади. Умуман, «Осасуна» ғояси яқин орада бутун Ла Лигага ёйилса, ажабмас. Чунки Испаниядаги аксарият ареналарнинг кириш-чиқиш йўлакларида кўпинча узун нав­бат юзага келади.    

М.ПЎЛАТОВ тайёрлади