"Валенсия" 45 минг евро жаримага тортилди

By Ravshan Ibrohim 24 May, 2023 8 дақиқа ўқиш 413 Кўрилди

0 comments 0 likes

"Валенсия" 45 минг евро жаримага тортилди

Испания Қироллик футбол федерацияси (RFEF) Рақобат қўмитаси “Валенсия”ни жамоа мухлисларининг “Реал” клубининг бразилиялик футболчиси Винисиусга нисбатан ирқчилик нуқтаи назаридан ҳақорат қилгани учун 45 минг евро жаримага тортди, деб ёзади “ТАСС”.

21 май куни “Реал” сафарда “Валенсия”га 0:1 ҳисобида имкониятни бой берди. Ўйиндан олдин ва ўйин давомида мезбон мухлислар Винисиусга ирқчиликка асосланган ҳақоратларни айтишди. Ўйин охирида бразилиялик мухлисларга “Валенсия”нинг Испания чемпионати олий дивизионидан тушиб кетиши мумкинлигига ишора кўрсатди, шундан сўнг Винисиус рақиб футболчилари билан ўзаро тўқнашувда қатнашиб, қизил карточка олди.

Қўмита, шунингдек, "Валенсия"га "Месталя" стадионининг жанубий трибунасини ёпиш шаклида санксиялар киритди ва Винисиусга берилган қизил карточкани бекор қилди.

"Реал" Испания Бош прокуратурасига мурожаат қилиб, Винисиусга нисбатан ирқчиликка асосланган ҳақоратларни текширишни сўради. 23 май куни Mundo Deportivo (“Мундо депортиво”) газетаси Испания миллий полицияси “Валенсия” – “Реал Мадрид” учрашувида бразилиялик ҳужумчини ирқчилик нуқтаи назаридан ҳақорат қилишда айбланган уч кишини ҳибсга олгани ҳақида хабар берди. Шунингдек, 23 май куни Мадридда 26 январь куни Винисиус футболкасидаги қўғирчоқни кўприкка осиб қўйган тўрт киши қўлга олингани маълум бўлди.

Винисиусни Бразилия футбол конфедерацияси қўллаб-қувватлади, Халқаро футбол федерацияси (ФИФА) президенти Жанни Инфантино, “Реал” ва “Валенсия” мухлисларнинг хатти-ҳаракатларини қоралади. Бразилия президенти Луиз Инасиу Лула да Сильва ФИФАни ирқчиликка қарши чора кўришга чақирди.