ВАР ўрнига мухлис телефони!

«Ал-Наср» жамоасининг «Суэца»га қарши баҳсида бош ҳакам Муҳаммад Фарук киритилган голлардан бирининг тўғрилигига шубҳа қилди, бироқ ВАРга эмас, балки... мухлислардан бирининг телефонига қарашга қарор қилди. У тўп қўлга текканини ва у киритилган голни бекор қилиш учун асос, деб ҳисоблади. ITASportPress ахборот агентлиги хабарига кўра, Миср футбол федерацияси инновацион технологияларга нисбатан бундай ёндашувдан даҳшатга тушган ва Фарукни «номаълум муддатга» дисквалификация қилган. Дарвоқе, у майдонни полиция қуршовида тарк этди, чунки 1:3 ҳисобида мағлуб бўлган «Ал-Наср» мухлислари унга нисбатан босим ўтказишди.