Витор Роке «Ал-Ҳилол»га ўтиши мумкин

Унга «Ал-Ҳилол»дан жиддий таклиф бўлаётгани борасида миш-мишлар тарқалмоқда. Sport нашри хабар беришича, каталонияликлар ҳужумчини сотишга қарор қилса, бу трансфердан 30 миллион евро ишлаб олишни масад қилган. Аммо ҳали якуний қарор қабул қилингани йўқ. Рокени «Барселона» ўтган йили ёзда 40 миллион евро эвазига сотиб олганди. Қишда клуб таркибига келиб қўшилган футболчи кам ўйин амалиётига эга бўлди ва бундан бразилиялик норзи эди. Эслатиб ўтамиз, Витор жамоаси сафида якунига етган мавсум 16та ўйинда майдонга тушиб, 2та голда қатнашди.