Влахович трансферга рози

Лондон клуби «Ювентус»га ҳужумчини 80 млн. евро эвазига трансфер қилиш таклифи билан чиқди. «Кўклар» «Фиорентина»даги фаолияти давомида клуб эътиборини тортган футболчини олиб келиш имкониятини кўриб чиқмоқда. Қайд этилишича, «Челси» бўлажак бош мураббий Маурисио Почеттинога ёзда юқори савияли ҳужумчи билан шартнома имзолашга ваъда берган. Влаховичнинг ўзи «Челси»га ўтишга рози. 23 ёшли серб хизматларига «Атлетико» ва «Бавария» ҳам қизиқиш билдирмоқда. Влахович бу мавсумда «А» серияда 26та ўйинда майдонга тушиб, 10та гол ва 2та ассистни ўз ҳисобига ёздириб қўйди.