Хайрия ўйинида жанговар дуранг...

Обамеянг, де Йонг ва Депайнинг голларига меҳмонлардан Альварес, Палмер ва Маҳрез жавоб берди. Жазоирлик яримҳимоячи ҳисобни тенглаштирувчи голни 90+9-дақиқада пенальтидан урди. Маълумот учун, ушбу баҳс каталонияликларнинг собиқ дарвьзабони ва мураббийи Хуан Карлос Унсуэга хайрия учун ўтказилди. У даволаш қийин бўлган оғир склероз касаллигига чалинган ва шифокорлар унинг 4 йиллик умри қолганини айтишганди. Чипталардан келиб тушган маблағ Унсуэнинг муолажаларига ишлатилади.

Ўртоқлик ўйини

БАРСЕЛОНА - МАНЧЕСТЕР СИТИ - 3:3 (1:1)

24 август. «Камп Ноу» стадиони.

Голлар: Обамеянг (29), де Йонг (66), Депай (79) - Альварес (21), Палмер (70), Маҳрез (90+9-пен.).

Барселона: Пенья (Тенас, 81), Роберто (Дест, 81), Пике (Гарсия, 57), Кунде (Кристенсен, 81), Альба (Бальде, 72), Бускетс (Пьянич, 72), Кессиэ (Гави, 57), де Йонг (Торре, 72), Обамеянг (Депай, 57), Рафинья (Эззалзули, 72), Торрес (Фати, 46).

Манчестер Сити: Ортега, Льюис (Канселу, 46), Уокер (Стоунз, 46), Диаш (Мбате 64; Бобб 90), Гомес (Уилсон-Эсбранд, 46), Силва (де Брюйне, 64), Филлипс (Родри, 57), Палмер, Фоден (Гундоган, 65), Маҳрез, Альварес (Холанд, 72).