Испания Суперкубоги-2022: Хави/Гави ёхуд Гави/Хави зафари

Саудия Арабистонида ташкил этилган мини-турнир финалида 18 ёшли Гави бош қаҳрамон ролига кўтарилди. «Реал» билан ўйинда 1та гол ва 2та ассист - қойилмақом натижа. Умуман, Гави Испания суперкубоги учун баҳсларда гол урган энг ёш футболчи бўлди (18 ёшу 163 кунлик). «Эль-класико»да эса фақат Ансу Фати (17 ёшу 359 кунлик) ва Рауль (18 ёшу 95 кунлик) Гавидан ёшроқ бўлган пайт гол қувончини туйишган. Асосий факт: «Барселона» 14-марта суперкубок соҳибига айланди - рекорд. «Реал» бу совринни 12 марта ютган.

*** «Барселона» охирги 4та «Эль-класико»дан 2тасини ўз фойдасига ҳал қилди. Каталонияликлар Хави келишидан олдин «Реал»га қаторасига 4 марта ютқазишганди.

*** Серхио Бускетс («Барселона») 45-«Эль-класико»да иштирок этиб, бу борада Серхио Рамос ва Лионель Мессига тегишли рекордни такрорлади.

*** Роберт Левандовски «Барселона» либосидаги дастлабки 22та ўйинда «Гол}пас» тизими бў­йича 25 очко (20та гол ва 5та самарали узатма) тўплади.

*** Карло Анчелотти («Реал») 2010 йилдан буён финал ўйинида илк марта мағлубликни тан олди. 

*** Карим Бензема («Реал») «Эль-класико»даги голлари сонини 13тага етказиб, бу борадаги тўп­урарлар рўйхатида 8-ўринга кўтарилди. Рекордчи Лионель Месси ҳисобида 26та гол бор.

ЯРИМ ФИНАЛ. 11 январь

РЕАЛ - ВАЛЕНСИЯ - 1:1 (1:0, 0:1, 0:0, 0:0)

Пенальтилар бўйича - 4:3

Ар-Риёд. «Қирол Фаҳд» стадиони. 50492 томошабин.

Голлар: Бензема (39-пен.) - Лино (46).

Реал: Куртуа, Рюдигер, Милитао (Менди, 74), Начо, Кроос, Вальверде (Себальос, 105), Камавинга (Модрич, 46), Васкес (Карвахаль, 68), Бензема, Винисиус, Родриго (Асенсио, 84).

Валенсия: Мамардашвили, Тони Лато (Мориба, 95), Тьерри Коррейя, Жемерт, Озкажар, Гайя, Алмейда (Гильямон, 115), Муса (Фулькье, 95), Кавани, Лино (Франсиско Перес, 82), Клюйверт (Дуро, 73).

12 январь

БЕТИС - БАРСЕЛОНА - 2:2 (0:1, 1:0, 1:1, 0:0)

Пенальтилар бўйича - 2:4

Ар-Риёд. «Қирол Фаҳд» стадиони. 38629 томошабин.

Голлар: Фақир (77), Морон (101) - Левандовски (40), Фати (93).

Бетис: Браво, Руибаль (Сабали, 79), Песселья, Луис Фелипе, Миранда, Каналес (Вильям Карвалью, 46), Родригес (Гуардадо, 86), Родри (Хуанми, 79), Фақир (Морон, 90), Иглесиас (Виллиан Жозе, 67), Луис Энрике.

Барселона: тер Штеген, Серхи Роберто (Кристенсен, 78), Кунде, Араухо, Альба (Алонсо, 79), де Йонг (Бускетс, 63), Педри, Гави (Кессие, 96), Левандовски, Дембеле (Ферран Торрес, 63), Рафинья (Фати, 86).

Четлатиш: Гуардадо (118, Бет.).

ФИНАЛ. 15 январь

РЕАЛ - БАРСЕЛОНА - 1:3 (0:2)

Ар-Риёд. «Қирол Фаҳд» стадиони. 60000 томошабин.

Голлар: Бензема (90}3) - Гави (33), Левандовски (45), Педри (69). 

Реал: Куртуа, Карвахаль (Начо, 72), Рюдигер, Милитао, Менди, Модрич (Себальос, 65), Кроос (Асенсио, 72), Камавинга (Родриго, 46), Вальверде, Бензема, Винисиус Жуниор.

Барселона: тер Штеген, Араухо (Эрик Гарсия, 86), Кристенсен, Кунде, Бальде, Бускетс, де Йонг (Кессие, 87), Педри (Сержи Роберто, 90), Гави (Фати, 90), Левандовски, Дембеле (Рафинья, 78).

Ўйиндан кейинги фикрлар:

Карло Анчелотти («Ре-ал» бош мураббийи): - Бу ўйин - биз учун тегишли дарс. «Реал» ҳозир яхши ҳолатда эмас - бор гап шу. Бугун айрим камчиликларимиз яққол кўзга ташланди. Лекин ишонинг, ҳали яна қайтамиз.

Хави («Барселона» бош мураббийи): - «Реал»га нисбатан ғалабага кўпроқ муҳтож эдик. Ҳар ҳолда, «Мадрид» ҳисобида совринлар етарли. «Реал»га қарши ўйинда назоратни қўлга олиб, тўпни имкон борича йўқотмаслик талаб этилади. Ўйин биз учун жуда яхши ўтди, йигитлар буни яққол ҳис қилишди. Гави, Педри, Френки де Йонг... Дембеле қанотда зўр очилди, Ара­ухога гап йўқ. «Реал» билан финалда «Сельта» ва «Хетафе»га қарши ўйинларни такрорлаш, бўшашиш мумкин эмас. Асосий ишим шуни таъминлашдир. 

испания суперкубогининг барча Ғолиблари

Барселона - 14 марта (1983, 1991, 1992, 1994, 1996, 2005, 2006, 2009, 2010, 2011, 2013, 2016, 2018, 2022)

Реал - 12 марта (1988, 1989, 1990, 1993, 1997, 2001, 2003, 2008, 2012, 2017, 2019/2020, 2021)

Депортиво - 3 марта (1995, 2000, 2002)

Атлетик - 3 марта (1984, 2015, 2020/2021)

Атлетико - 2 марта (1985, 2014)

Валенсия - 1 марта (1999)

Севилья - 1 марта (2007)

Сарагоса - 1 марта (2004)

Мальорка - 1 марта (1998)

Реал Сосьедад - 1 марта (1982)