Холанд бу рекордни янгилади, барибир...

«Манчестер Сити» ҳужумчиси 28-турнинг қолдирилган ўйинида «Вест Хэм» (3:0) дарвозасини ишғол қилди. Натижада Англиядаги дебют мавсумини ўтказаётган 22 ёшли норвегияликнинг чемпионатда урган голлари сони 35тага етди. Эрлинг 22та жамоа қатнашган, 42та ўйиндан иборат лигада 34тадан тўп киритган Энди Коул (1993/94) ва Алан Ширерни (1994/95) ортда қолдирди. Англиянинг юқори дивизионида бир мавсумда энг кўп гол урган футболчи эса Рон Дэвис ҳисобланади - 37та, 1966/67 йилги мавсумда. Аммо у пайтда чемпионат Премьер-лига деб аталмаган.