«Юве» Сергейдаги вазиятни кузатмоқда

Сербиялик футболчининг шартномаси 2024 йилнинг ёзида тугайди, шунинг учун 2023 йилнинг июнь ойидаёқ ярим ҳимоячини арзонроқ нархда сотиб олиш мумкин бўлади. Арзон сотилишининг олдини олишга умид қилган «Лацио» Милинкович-Савич билан шартномани узайтирмоқчи, бироқ футболчининг агенти Матея Кежман римликлар билан ноябрдан декабргача Қатарда бўлиб ўтадиган жаҳон чемпионатидан сўнг музокара олиб бормоқчи эмас. Calciomercato нашри хабарига кўра, «Ювентус» вазиятни диққат билан кузатиб бормоқда. Туринликлар агар 27 ёшли футболчи «Лацио» билан янги шартнома борасида келиша олмаса, ёзда трансфер таклифи билан чиқишни режалаштирмоқда.