Жоаулар «Барса»га ўтишди

Бу ҳақда клуб матбуот хизмати хабар берди. Маълум бўлишича, «Барса» Фелишни сотиб олиш опциясисиз бир мавсумга ижарага олди. Аввалроқ, «Атлетико» унинг ижараси учун 8 миллион евро сўраётгани ҳақида хабар берилганди. Ҳозирча Каталония клуби унинг ижараси учун қанча тўлаши маълум эмас.

«Манчестер Сити» ҳимоячиси Жоау Канселу ҳам фаолиятини «Барселона»да давом эттиради. «Кўк-анорранглилар» Канселуни Ла Лигада рўйхатдан ўтказишди. Футболчи Каталония клубида бир мавсум ижара асосида ҳаракат қилади. Унинг шартномасида мажбурий сотиб олиш банди бўлмайди. «Барса» молиявий фейр-плей қоидаларини бузмаслик учун шу ишни қилишга мажбур бўлган. Маълум бўлишича, «Барса» унинг ижараси учун пул тўламайди. Фақатгина клуб португалнинг маошини бир қисмини тўлаб беради.