Диққат, шкафчалар сотилади!

Эҳтимолки, бу ҳаракатлар баъзи натижаларни бераётгандир. Шунинг учунми, Каталониянинг қудратли клуби раҳбарияти кўзда тутилмаган режа бўйича маблағ ишлаш йўлида яна бир ўзгача қадам ташлади...

Демак, «Барселона» энди «Камп Ноу»даги тарихий жиҳозларни аукционда сотиш ортидан пул тўплашга уриниб кўради. Ҳозирча кийиниш хонасида клубнинг собиқ футболчилари фойдаланган шкафчалар сотувга қўйилди. Улар қаторида айни таркибдаги Гавиники ҳам бор. Шунинг баробарида мухлислар «Камп Ноу» стадионига боғлиқ ашёлар (бурчак байроқчалари, майдон чими парчалари)ни сотиб олишлари мумкин. Аукцион савдоси 23 январь куни бошланиб, 13 февралгача давом этади. 

Сотувга қўйилган ашёлар орасида энг қимматбаҳоси - Лионель Мессига тегишли либос шкафчаси. Аргентиналик юлдузнинг формалари ва буюмлари сақланган шкафчанинг бошланғич баҳоси 350 минг еврога тенг. Қолган юлдузлар шкафчаларининг бошланғич нархи нисбатан паст. Дейлик, Хосеп Гвардиола, Диего Марадона ва Жерар Пикеники - 200 минг евро. Сотувга жами 6та тоифада лот қўйилди.

ШКАФЧАЛАР ТОИФАСИ

Лот №1 Лионель Месси - 350 минг евро

Лот №2 Жерар Пике, Хосеп Гвардиола, Диего Марадона - 200 минг евро

Лот №3 Роналдиньо - 100 минг евро

Лот №4 Неймар, Роналдо, Роман Рикельме - 40 минг евро

Лот №5 Гави, Деку - 23 минг евро

Лот №6 Луис Суарес, Карлес Пуйоль, 

Антони Рамальетс - 20 минг евро