Юлиан Нагелсманн Лерой Санени Германия терма жамоасига чақирмасликка қарор қилди. Бу ёзда 29 ёшли вингер "Бавария"дан "Галатасарой"га ўтган эди. Туркия чемпионатида унинг ҳисобида ҳозирча биттадан гол ва голли узатма бор.
"Энди Сане Бундеслигадан ва бошқа Европа топ-чемпионатларидан анча кучсизроқ лигада ўйнаяпти. У шунчаки кўпроқ ўйин кўрсатиши керак. Тўғри Лерой охирги ўйинда гол урди ва голли узатма берди, лекин ўз ўйинини топиши учун вақт керак. Мен Лерой билан кўп гаплашдим. У Англияда, Испанияда, Германияда, Францияда ёки Италияда ўйнамаяпти, шунинг учун мен ундан маълум бир статистикани кутаман. Агар ўзини кўрсата олса, терма жамоа учун номзод бўлиб қолади", - деди Германия терма жамоаси бош мураббийи.