Криштиану Роналду Саудия чемпионатига йўл олгач, гол уриш бобида асло орқага кетгани йўқ. Дейлик, португалиялик юлдуз яқиндагина, аниқроғи, 23 август куни «Ал-Наср»да ҳам 100та гол довонига етди ва бу маррани 4та клубда забт этган тарихдаги биринчи футболчига айланди. Қолаверса, 40 ёшли фахрий 1000та гол марраси сари дадил одимламоқда (ҳозир 939та голга эга). Хуллас, Криштианунинг Саудиядаги фаолиятида ҳаммасси яхши, фақат бир жиҳатни эътибоорга олмаганда...
Оддий айтганда, Криштиану Роналду Саудия Арабистонида ҳали жамоавий совринлари ҳисобини очганича йўқ. «Ал-Наср» эса португалиялик юлдузни ўз сафига олганидан буён, яъни 2,5 йил давомида нақ 12та соврин ютиш имкониятини қўлдан чиқарди. Ҳа, Жидда жамоаси бу орада Араб чемпионлар кубогида зафар қучди, аммо бу ўртоқлик турнири ҳисобланади.
Криштиану Роналду «Ал-Наср»да
2023 йил январь: Саудия Арабистони суперкубоги ярим финалида «Ал-Иттиҳод»дан мағлубият
2023 йил апрель: Саудия Арабистони Қирол кубоги ярим финалида «Ал-Ваҳда»дан мағлубият
2023 йил май: Саудия Арабистони Про лигасида 2-ўрин
2024 йил март: ОЧЛ чорак финалида «Ал-Айн»дан мағлубият
2024 йил апрель: Саудия Арабистони суперкубоги ярим финалида «Ал-Ҳилол»дан мағлубият
2024 йил май: Саудия Арабистони Қирол кубоги ярим финалида «Ал-Ҳилол»дан мағлубият
2024 йил май: Саудия Арабистони Про лигасида 2-ўрин
2024 йил август: Саудия Арабистони суперкубоги ярим финалида «Ал-Ҳилол»дан мағлубият
2024 йил октябрь: Саудия Арабистони Қирол кубоги 1|8 финалида «Ал-Тавон»дан мағлубият
2025 йил апрель: ОЧЛ ярим финалида «Кавасаки Фронтале»дан мағлубият
2025 йил май: Саудия Арабистони Про лигасида 3-ўрин
2025 йил август: Саудия Арабистони суперкубоги финалида «Ал-Аҳли»дан мағлубият
Факт. Криштиану Роналду ҳатто антирекордлар бўйича ҳам биринчи. У яқинда футбол тарихида нақ 12та финалда мағлубиятга учраган биринчи футболчига айланди. 40 ёшли юлдуз фаолиятидаги аксарият жамоалар билан лоақал 1та финалда омадсизликка юз тутган. Аниқроғи, Португалия миллий жамоаси, шунингдек, «МЮ», «Реал», «Ювентус» ва «Ал-Наср» клубларида ҳал қилувчи ўйинни бой берган.
