Бельгиянинг “Антверпен” клуби шарафини ҳимоя қилаётган Муҳаммадали Ўринбоев кеча “Вестерло” жамоасига қарши ўйинда захирадан майдонга тушди. Ўйин якунлангач, унинг эски жароҳати безовта қилгани сабаб, жамоанинг тиббий ва жисмоний тайёргарлик бўйича мутахассисларининг сўровига биноан Ўринбоевнинг тикланиш жараёнлари ўз клубида давом эттирилиши борасида қарор қабул қилинди. Шу боисдан унинг ўрнига “Олимпик Mobiuz” футболчиси Муҳаммедали Реимов йиғинга жалб этилди. Эслатиб ўтамиз, Равшан Ҳайдаров бошқарувидаги жамоамиз 3–9 сентябр кунлари U-23 Осиё кубоги саралаш баҳсларида иштирок этади ва Шри-Ланка, Қирғиз Республикаси ҳамда Фаластинга қарши баҳс олиб боради.
Ўзбекистон U-23 терма жамоаси сафида ўзгариш юз берди
