"Вилярреал" Грузия терма жамоаси ҳужумчисини сотиб олди

Журналист Фабрицио Романо ўзининг Х ижтимоий тармоқдаги саҳифасида хабар беришича, Испаниянинг "Вилярреал" клуби "Лион"нинг 24 ёшли марказий ҳужумчиси Жорж Микаутадзенинг трансфери борасида келишувга эришди. Манбада қайд этилишича, “сариқ сувости кемаси” вакиллари “Рома” билан Артем Довбик борасида муваффақиятсиз музокаралардан сўнг грузиялик форвардни сотиб олиш ҳаракатларини кучайтирган ва трансфер суммаси 30 миллион еврога баҳоланётган футболчини бугун тиббий кўрикдан ўтказишни режалаштирган. Маълумот учун, 2024 йилнинг ёзида "Лион"га кўчиб ўтган Микаутадзе бу давр ичида барча турнирлар ҳисобидан 49та ўйин ўтказиб, 18та гол ва 11та голли узатмани амалга оширган. Футболчининг француз клуби билан тузга амалдаги шартномаси 2028 йилнинг ёзига қадар мўлжалланган.