Англиянинг "Вулверхемптон" клуби "Генк" ҳужумчиси Толу Арокодаренинг трансфери борасида келишиб олди. Sky Sports нашрида келтирилишича, инглизлар футболчини бонусларни ҳисобга олган ҳолда 27 миллион еврога сотиб олишмоқда. Айтиш керак, Арокодарега "Наполи" ва "Милан" жамоалари ҳам фаол қизиқиш билдиришаётанди, аммо футболчи Премер-лигани танлади.
24 ёшли нигериялик форвард ўтган мавсум Бельгия чемпионатда 40 учрашувда 21та гол киритиб, турнир тўпурарлигини қўлга киритди.
