"Локомотив" яна 2та футболчи трансферини эълон қилди!

Ўтган мавсумни "Анжижон" сафида ўтказиб, Ўзбекистон Кубоги соҳибига айланган Фарҳод Бекмуродов “темирйўлчилар” билан шартнома имзолади. 

 Маълумот учун, Фарҳод Бекмуродов 1994 йил 8 октябрда туғилган. Марказий ярим ҳимоячи амплуасида тўп тепади. Яна бир маълумот шуки, Бекмуродов 2018 йилги мавсумни "Локо" таркибида ўтказган. Шундан сўнг "Қўқон-1912", "Металлург" ва "Андижон" клубларида фаолият олиб борди. 

 У футболчилик фаолияти мобайнида Суперлигада 164та учрашув ўтказган. Ўзбекистон Кубоги доирасида эса 14 бор майдонга тушган.

Шунингдек, "Локомотив" черногориялик футболчи Момчило Рашо билан шартнома имзолади. Ушбу футболчи ўтган мавсумни "Бунёдкор" таркибида ўтказганини мухлислар жуда яхши билади. 

Маълумот учун, Момчило Рашо 1997 йил 6 февраль куни Черногориянинг Котор шаҳрида туғилган. Бўйи 186 см бўлган ушбу футболчи марказий ҳимоя чизиғида ҳаракат қилади. Рашо ўтган йил Суперлигада 17та ўйин ўтказиб, битта гол урган.