Элдор Шомуродов ва Аббос Файзуллаев тўп сураётган "Истанбул Бошакшеҳир" Руминиянинг "Университат Крайова " жамоасига иккинчи ўйинда ҳам мағлуб бўлди. Элдор ўйинни тўлиқ ўтказган бўлса, Аббос 63-дақиқада майдонга тушди. Икки ўйиндан иборат қарама-қаршиликнинг умумий ҳисоби 2:5 – руминияликлар фойдасига. Жуда кутилмаган ва ёқимсиз натижа.
Қирғизистонлик Амантур Шамурзаев ва Гулжигит Борубоев ўйнаётган "Неман" кутилганидек, Испанияда "Райо Вальекано"га 0:4 (биринчи ўйинда 0:1) ҳисобида мағлуб бўлди. Дарвоқе, еврокубокларда илк бор бир ўйинда икки нафар қирғизистонлик майдонга тушди. Шамурзаев асосий таркибдам майдонга тушиб, ўйин охиригича ҳаракатланган бўлса, Борубоев 82-дақиқада заҳидарадан майдонга тушди.
Шу тариқа, на Конференция лигасида ва на Европа лигасида Марказий Осиёдан бирорта ҳам вакил бўлмайди. Агар бу вазифани уддалаган жамоалар яқин орада шу ҳудуддаги футболчилар билан шартнома имзолашмаса албатта.
"Шахтёр"нинг ҳали ҳам Конференциялар Лигаси гуруҳ босқичига чиқиш имконияти сақланиб қолганлигини инботга олсак, тожикистонлик Хусрав Тоировда бу турнирда марказий осиёлик ягона футболчига айланиш имконияти бор. Бироқ, бунинг учун у мусобақада рўйхатдан ўтказилиши керак.
ЕЧЛ баҳсларида эса, Марказий Осиёдан “Қайрат” футолчилари ва ҳамюртимиз Абдуқодир Хусанов иштирок этади. “Шаҳарликлар”нинг Чемпионлар лигасидаги бу галги рақиблари - "Реал" (яна), "Боруссия" (Дортмунд), "Байер", "Вилярреал", "Наполи", "Буде-Глимт", "Галатасарой" ва "Монако" бўлади. “Қайрат” эса, ўз тарихида илк бор иштирок этадиган ЕЧЛ гуруҳ босқичининг ўз майдонидаги учрашувларда “Реал Мадрид”, “Брюгге”, “Олимпиакос” ва “Пафос” клублари билан ўйнаса, сафарда "Интер", "Арсенал", "Спортинг" ва "Копенгаген"га қарши баҳс олиб боради.
