Анчелотти: “Мбаппе дунёдаги энг яхши марказий ҳужумчи”
Мадриднинг “Реал” клуби бош мураббийи Карло Анчелотти “Лас-Палмас”га қарши учрашувидан (4:1) сўнг, жамоа ҳужумчиси Килиан Мбаппе ҳақида гапирди.
“Биз ҳар қандай пайтларда ҳам мувозанатни сақлашга қодирмиз. Менимча, "Реал"ни бошқа жамоаларга қараганда кўпроқ танқид қилишади. Норозиликларнинг эса турлича усуллари бор: оддий мулоҳазалар, намойишлар ва ҳоказо. Умуман олганда юракка оғир ботадиган танқидлар ҳам бор – демак, мухлислар биздан хурсанд эмас, бизга мана шу энг катта мотивация. Бу огоҳлик қўнғироғига ўхшайди", - дея Анчелоттининг сўзларини келтиради АС.
