АПЛ. 18-тур: Ана сенга Boxing day совғаси...

«Қизил иблислар» Рубен Аморим бошқарувидаги дастлабки 10та ўйиннинг 5тасида мағлубиятни тан олишганини алоҳида таъкидлаш керак. Диққатни тортадиган факт: португалиялик мутахассис Англия футболига юз бурганидан буён АПЛ вакиллари орасида биргина аутсайдер «Саутгемптон» барча мусобақалар доирасида «МЮ»га нисбатан кўпроқ мағлубиятга учради (6та). 

*** «Манчестер Сити» 2024 йил ҳисобидан 62-голни қабул қилди. «Шаҳарликлар» охирги марта 2016 йили бундан кўпроқ гол қўйиб юбришганди (67та). Умуман, «шаҳарликлар» охирги 13та ўйиндан 12тасида очко йўқотишди - 3та дуранг ва 9та мағлубият.

*** Эрлинг Холанд («Манчестер Сити») сўнгги 7та ўйинда атиги 1та гол урди. Норвегиялик «йиртқич» бу сафар ҳатто пенальтидан ҳам фойдаланолмади. «Эвертон» дарвозабони Жордан Пикфорд унинг зарбасини одатий «шпаргалка»си ёрдамида бартараф этди.

*** «Челси» АПЛда 10та ўйин бадалига илк марта мағлубиятга учради. Энцо Мареска жамоаси бунга қадар 6та ғалаба ва 3та дуранг қайд этганди.

*** Коул Палмер («Челси») 2024 йил ҳисобидан АПЛ ўйинларида 39та самарали ҳаракат қайд этди - 26та гол ва 13та ассист. У аввалроқ 2001 йили Жимми-Флойд Хассельбейнк томонидан ўрнатилган «Челси» рекорди («Гол+пас» тзимида 36 очко)ни янгилаганди. 22 ёшли футболчи муайян йили АПЛда «Челси» учун энг кўп гол урган футболчидир. Олдинги рекорд 2001 йили Хассельбайнк томонидан ўрнатилганди (25та гол)

*** «Фулхэм» 1979 йилдан буён «Челси»ни сафарда илк марта доғда қолдирди. Жамоа ўшанда Иккинчи дивизион ўйинини 2:0 ҳисобида ўз фойдасига ҳал қилганди.

*** Рубен Аморим «МЮ» бошқарувида АПЛдаги 7-учрашувида 4-марта мағлубиятга юз тутди. Португалиялик мутахассис шу аснода ўзининг ўтмишдоши Эрик тен Хаг қайд этган антирекорд (13та ўйинда 4та мағлубият)ни янгилади. Умаман, «МЮ» АПЛда сўнгги 5та ўйиннинг 4тасини бой берди. 

*** «МЮ» ярим ҳимоячиси Бруну Фернандеш жорий мавсум 3та қизил карточка тўплашга улгурди. Португалиялик футболчи шу тариқа мавсум-2008|2009да 3та «қизил» олган Неманья Видич антирекордини такрорлади. Бруну олдинги 3 йил давомида бирор марта майдондан четлатилмаганди.

*** «МЮ» қисқа вақт ичида 2-марта тўғридан-тўғри бурчак зарбасидан гол қўйиб юборди - Матеус Кунья ва Сон Хюн Миндан. 

*** Арне Слот бошқарувидаги «Ливерпуль» 22та ўйин (барча турнирларда 19та ғалаба ва 3та дуранг)дан буён мағлубият кўчасига кирмаяпти. «Қизиллар» 1989 йилдан буён бундай узун серия қайд этишмаганди (ўшанда жамоани афсонавий Кенни Далглиш бошқарган). 

*** «Ливерпуль» ҳужумчиси Муҳаммад Салоҳ АПЛ тарихида уй ўйинларида 100та гол маррасига етган 8-футболчи бўлди (32 ёшли мисрлик «Ливерпуль» учун «Энфилд»да 98та, «Челси» учун «Стэмфорд Бриж»да 2та гол урган). Умуман, Салоҳ АПЛнинг жорий мавсуми 16та гол ва 11та ассист муаллифига айланди. Асосий факт: 32 ёшли ҳужумчи АПЛда «Ливерпуль» учун «Гол+пас» тизими бўйича 250-очкосини келтирди ва бу борада «Арсенал» афсонаси Тьерри Анри (249та гол ва ассист)ни ортда қолдирди. Рейтинг етакчиси Уэйн Руни «МЮ»да 276та гол ва самарали узатма тўплаган.

*** «Арсенал» 2024 йил давомида АПЛ доирасидаги 36та ўйинда 85 очко тўплади. Бу энг яхши натижадир. Иккинчи юқори кўрсаткич «Ливерпул»га тегишли - 82 очко.

26 декабрь

МАНЧЕСТЕР СИТИ - ЭВЕРТОН - 1:1 (1:1)

Манчестер. 51000 томошабин.

Голлар: Бернарду Сильва (14) - Ндиай (36).

Фойдаланилмаган пенальти: Холанд (53, М.).

Манчестер Сити: Ортега, Гвардиол, Аке (Симпсон-Пьюзи, 85), Акан-жи, Льюис, Ковачич (Гюндоган, 85), Доку (де Брюйне, 75), Бернарду Сильва, Фоден, Савио, Холанд.

БОРНМУТ - КРИСТАЛ ПЭЛАС - 0:0

Борнмут. 11129 томошабин.

ЧЕЛСИ - ФУЛХЭМ - 1:2 (1:0)

Лондон. 39687 томошабин.

Голлар: Палмер (16) - Уилсон (82), Родриго Мунис (90+5).

Челси: Санчес, Кукурелья, Колуилл, Адарабиойо, Гюсто, Кайседо, Фернандес, Палмер, Санчо, Нету, Жексон (Н`Кунку, 73).

НЬЮКАСЛ - АСТОН ВИЛЛА - 3:0 (1:0)

Ньюкасл. 52186 томошабин.

Голлар: Гордон (2), Исак (59), Жоэлинтон (90+1).

Четлатиш: Дуран (32, А.).

НОТТИНГЕМ ФОРЕСТ - ТОТТЕНХЭМ - 1:0 (1:0)

Ноттингем. 30200 томошабин.

Гол: Эланга (28).

Четлатиш: Спенс (90+4, Т.).

САУТГЕМПТОН - ВЕСТ ХЭМ - 0:1 (0:0)

Саутгемптон. 31059 томошабин.

Гол: Боуэн (59).

ВУЛВЕРХЭМПТОН - МЮ - 2:0 (0:0)

Вулверхэмптон. 31407 томошабин.

Голлар: Матеус Кунья (58), Хван Хи Чхан (90+9).

Четлатиш: Бруну Фернандеш (47, М.).

ЛИВЕРПУЛЬ - ЛЕСТЕР - 3:1 (1:1)

Ливерпуль. 60300 томошабин.

Голлар: Гакпо (45+1), Жонс (49), Салоҳ (82) - Айю (6).

Ливерпуль: Алиссон, Робертсон (Цимикас, 86), ван Дейк, Гомес, Александер-Арнольд, МакАллистер (Эллиот, 90+2), Гравенберх (Эндо, 87), Гакпо, Жонс (Собослаи, 78), Салоҳ, Нуньес (Диогу Жота, 78).

27 декабрь

БРАЙТОН - БРЕНТФОРД - 0:0

Брайтон. 31548 томошабин.

АРСЕНАЛ - ИПСВИЧ - 1:0 (1:0)

Лондон. 57000 томошабин.

Гол: Хаверц (23).

Арсенал: Райя, Габриэль, Салиба, Льюис-Скелли, Тимбер, Хаверц, Райс (Парти, 87), Эдегор, Троссард, Габриэль Жезус (Мерино, 72), Мартинелли.

ТЎПУРАРЛАР:

Салоҳ (Ливерпуль) - 16та

Холанд (Манчестер Сити) - 13та

Палмер (Челси) - 12та...

19-ТУР 

29 декабрь (якшанба)

19:30   Лестер - Манчестер Сити

20:00   Кристал Пэлас - Саутгемптон

20:00   Эвертон - Ноттингем Форест

20:00   Фулхэм - Борнмут

20:00   Тоттенхэм - Вулверхэмптон

22:15   Вест Хэм - Ливерпуль

30 декабрь (душанба)

00:45   Астон Вилла - Брайтон

00:45   Ипсвич - Челси

01:00   МЮ - Ньюкасл

1 январь (чоршанба)

22:30   Брентфорд - Арсенал