Саудия Арабистонининг номи ошкор этилмаган клуби "Арсенал"нинг бразилиялик вингери Габриэл Мартинелли учун "катта" сумма таклиф қилди. Бироқ, лондонликлар футболчини сотишни исташмаяпти. Маълумот учун, Мартинеллининг инглиз клуби билан тузган меҳнат шартномаси 2027 йилнинг ёзига қадар мўлжалланган. Трансфермаркт портали эса унинг бозор қийматини 55 миллион еврога баҳоламоқда. Умуман олганда, Габриэл “канонирлар” сафида бугунга қадар 225та ўйин ўтказган бўлиб, шу вақт давомида 51та гол урган ва 29та голли узатмани амалга оширган. Олдинроқ ОАВда “Ал-Наср” футболчи учун “Арсенал”га 85 миллион евро таклиф қилишга тайёрлиги ҳақида хабарлар тарқалганди.
Саудия гиганти "Арсенал" юлдузи учун таклиф тайёрлади
