Ҳаким Фузайлов «Бухоро»ни Суперлигада ҳам бошқарадиган бўлди...

2022 йил бошида «Бухоро» бош мураббийига айланган тожикистонлик мутахассис мавсум якунида жамоани Про лигадан Суперлигага олиб чиққач, клуб раҳбарияти Фузайлов билан шартномани 2023 йил охирига қадар узайтирган. 
Бухороликлар бугун, 15 декабрдан Суперлига янги мавсумига тайёргарликни бошлади. Жамоа бир қатор футболчилар билан музокара олиб бораётгани маълум қилинган. 
Эслатиб ўтамиз, Фузайлов 2021 йилда ҳам «Динамо»ни Про лигадан Суперлигага олиб чиққан, аммо клуб раҳбарияти тожикистонлик мураббийни истеъфога чиқарган эди. Шундан сўнг у Самарқанд клубини тарк этган бир қатор ўйинчилар билан бирга Бухоро жамоасида иш бошлаганди.