Ҳаммаси ўхшаса, шундай бўлади...

Бинобарин, Осиё вакилидан турнир фаворити Мексика термасини енгиш талаб этиларди. Шунда ҳам Гондурас - Гаити баҳсида «мақбул» натижа (дуранг ёки гондурасликларнинг минимал ҳисобдаги ғалабалари) қайд этилсагина қатарликлар курашни давом эттириш ҳуқуқига эга бўлишарди. Қарангки, ҳаммаси ўхшади ва Қатар термаси квартетда 2-ўринни эгаллади.

Мексика - Қатар - 0:1. Ҳисобга қарасак, муддатидан олдин «плей-офф» масаласини ҳал қилган Мексика термаси атайин ён берганини тахмин қилиш мумкин. Лекин бундай эмас. «Ацтеклар» бутун ўйин давомида майдонда тўлиқ ҳукмронлик қилишди. Зарбалар бўйича 25:1, аниқ зарбалар бўйича 6:1 - ушбу статистика ҳам майдондаги ҳолатни тўлиқ тавсифлолмайди. Дейлик, Сантьяго Хименеснинг бир ўзи камида 4 марта зарба йўлига чиқди, аммо тўпга етолмади. Қатарликлар эса мутлақо йўқ жойдан гол уришди. Бу вақтда параллель ўйинда Гаити термаси 1:0 ҳисобида олдинда бораётган ва қатарликларнинг кейинги раундга ўтишлари ҳақида ўйлаш ҳам қийин эди.

Факт шуки, Қатар термаси якунда ижобий натижани сақлаб қолди, нариги ўйинда эса гондурасликлар иродали ғалабани тантана қилишди. Шу тариқа турнир меҳмони сеҳрли тарзда гуруҳдан чиқишди. Ўзи футболда бир ўхшаса, шундай бўлади...
***
ЧОРАК ФИНАЛ

9 июль

ПАНАМА - 

ҚАТАР - 4:0 (1:0)

Голлар: Барсенас (19), Исмаэль Диас (56, 63, 65).

Панама: Москера, Каммингз (Миллер, 85), Эскобар, Андраде, Дэвис, Годой (Велч, 82), Карраскилья (Кристиан Мартинес, 69), Кинтеро (Янис Веласко, 70), Барсенас, Исмаэль Диас (Уотермэн, 69), Фахардо.

МЕКСИКА - 

КОСТА-РИКА - 2:0 (0:0)

Голлар: Пинеда (52-пен.), Эрик Санчес (87).

Мексика: Очоа, Хорхе Санчес (Араухо, 84), Монтес, Васкес, Гальярдо, Пинеда (Альварадо, 84), Чавес (Эрик Санчес, 70), Альварес (Рейес, 90), Ромо, Антуна, Мартин (Хименес, 70).

10 июль

02:00    ГВАТЕМАЛА - ЯМАЙКА

04:30    АҚШ - КАНАДА

------------------------------------------

ЯРИМ ФИНАЛ

13 июль (пайшанба)

04:30    ГВАТЕМАЛА|ЯМАЙКА - МЕКСИКА

07:00    АҚШ|КАНАДА - ПАНАМА

------------------------------------------

ФИНАЛ

17 июль (душанба)

ТЎПУРАРЛАР:

Феррейра (АҚШ) - 6та

Исмаэль Диас (Панама) - 4та

Бюрнер (Мартиника) - 3та...