Христо Стоичков: «Йохан билан ҳар куни қийин эди...»
Болгариялик Христо Стоичков 1990 йили Софиянинг ЦСКА клуби сафида тўп суриб, «Олтин бутса» совринини ютади, кейин тўғри «Барселона»га йўл олади.
Бироқ Люк де Йонг ва Фабиу Сильва томонидан урилган голлар машҳур Рууд ван Нестелрой бошқарувидаги Эйндховен клубининг кейинги раундга чиқиши учун етарли бўлмади. Чунончи, андалусияликлар ўз майдонларидаги дастлабки ўйинда 3:0 ҳисобини қайд этишганди. Жавоб баҳси эса битта ноодатий вазият билан ҳам муҳокамалар марказига тушди.
Гап шундаки, Эйндховендаги «Филипс» стадионида ўтган ўйин якунида «Севилья» дарвозабони Марко Димитрович нафақат мезбон жамоа ҳужумлари, балки майдонга бостириб кирган мухлис ҳамласига ҳам дуч келди. Таъкидланишича, аламзада фанат тўғри 31 ёшли кипер томон югуриб, унга ортидан мушт туширган. Тўғри, Марко бунга ўрнида реакция билдириб, тартиббузар мухлисни чиройли усулда майдонга қулатди. Якунда стадион ходимлари ховлиқмани четга олиб чиқиб кетишди.
Сербиялик кипер ўйиндан сўнг ўз хатти-ҳаракатини оддий изоҳлади: «Футбол ўйинида бундай ҳолатлар кузатилиши жуда ёқимсиздир. Ҳар ҳолда, футболчи майдонда хотиржам ўйнаши керак. Тартибсиз фанатни жазолашларидан умидворман. У қўққисдан ортимдан туртиб юборди. Менимча, натижадан ғазабланган бўлса керак. Боз устига, мени уришга уринди, шунинг учун хавфсизлик ходимлари етиб келишларига қадар уни босиб туришдан ўзга чорам қолмади». Маълум бўлишича, ўша мухлис майдонга маст ҳолатда тушган экан.
