АНА, ХОЛОС! Тен Хагнинг сабри тугаяптими?
«МЮ» бош мураббийи Эрик тен Хаг «Бернли»га қарши ўйин олдидан ўтказилган матбуот анжуманида 3та нашр журналистлари берган саволларга қулоқ тутишни ҳам хоҳламади
Дунёдаги энг оғир вазнли ҳужумчи сифатида эътироф этилган 102 килограммли бақалоқ қаерда майдонга тушишидан қатъий назар, футбол мухлисларини лол қолдирарди.
2016 йилда «Уимблдон»дан «Уикомб Уондерерс»га ўтган футболчи 4 йил ичида ишсизликдан шахсан Юрген Клоппнинг олқишига эришишгача бўлган йўлни босиб ўтди ва «Уикомб» афсонасига айланди. Сўнгги жамоаси таркибида у 250та учрашув ўтказиб, ўзининг 60та голи ва 40та самарали узатмаси билан жамоанинг 4-дивизиондан 2-дивизионга кўтарилишига муносиб ҳисса қўшди. Бунгача Акинфенва «Барри Таун», «Лейтон Ориент», «Донкастер Роверс», «Суонси Сити» ва «Миллуолл» жамоаларида ҳам тўп сурганди. Ўтган йилнинг ёзида бутсаларини михга илган ҳужумчи энди кураш билан шуғулланишга қарор қилди:
«Нафақага чиққанимдан кейин мендан бу ёғига нима билан шуғулланишим хусусида кўп сўрашарди. Мен севимли ишим билан 22 йил шуғулландим, бу билан фахрланаман. Бироқ у мен учун касб эди. Курашга бўлган муҳаббатим туфайли, келажак хусусида хотиржам эдим. Анчадан бери англиялик профессионал курашчи Энтони Огогони яхши билардим. Бир куни у менга курашда ўз имкониятларимни синаб кўришни маслаҳат берди. Ўзига маъқул келадиган машғулотни топа олган ҳар қандай киши ўзида ёқимли енгилликни ҳис этади. Ана шу енгиллик шуғулланишга, ўз имкониятларимни синаб кўришга даъват этади. Бу ердаги шароитлар, машғулотлар, уларнинг интенсивлиги менга жуда ёқади».
МУҲАММАДСОДИҚ тайёрлади
