«Арсенал»нинг режалари катта

Инглиз нашрларининг маълум қилишича, «тўпчилар» «Рома» ҳужумчиси Тэмми Абрахам ва «ПСВ» футболчиси Коди Гакпога асосий нишон сифатида қарамоқда. Шунингдек, лондонликлар Габриэль Жезус ва Дарвин Нуньес вариантларини ҳам назардан қочирмаган. Ярим ҳимояни кучайтириш учун Орельен Тчуаменига эътибор қаратган. Аммо француз футболчисига Европанинг кўплаб грандлари даъвогарлик қилмоқда. Микель Артета шогирдларининг трансфер ойнаси вақтидаги сиёсати клубнинг Чемпионлар Лигаси учун курашдаги натижасига боғлиқ бўлади. Эслатиб ўтамиз, айни пайтда «канонирлар» 34та ўйиндан сўнг 63 очко билан 4-ўринда бормоқда. Уларнинг ортидан изма-из таъқиб қилиб келаётган «Тоттенхэм»да 61 очко мавжуд.