Барнс 3 ойга сафдан чиқди

25 ёшли вингер «Шеффилд»га қарши ўйиннинг 12-дақиқасида жароҳат сабаб майдонни тарк этганди. Унинг жароҳати жиддий бўлиб чиқди. «Ҳозирги хулосаларга кўра, Барнс уч ойга сафдан чиқди. Операция шарт эмас. Бу албатта яхши хабар. Бу Харви учун зарба. У эндигина формага тушиб олганди. Олдинда кўп ўйинлар бор. Исталган ўйинчининг жароҳати биз учун жуда катта йўқотиш бўлади», - дейди «Ньюкасл» бош мураббийи Эдди Хау. Маълумот учун, Харви Барнс ушбу мавсум бошида «Лестер»дан 38 млн. евро эвазига сотиб олинганди.