«Барса» катта муаммога дуч келиши мумкин

«Барселона» 2016 йилдан 2018 йилгача Испания ҳакамлар қўмитаси собиқ вице-президенти Хосе Мария Эриксен Негрейрага 1,4 млн. евро ўтказиб берган ва бу тўлов консалтинг хизмати учун дейилган. Клуб бу пулни ёш футболчилар ҳақидаги ҳисоботлар ва ҳакамлик хизмати учун эканлигини аниқлаштириб кетди. Маълумотларга кўра, айни дамда Испания прокуратурасида клуб ва Негрейрага нисбатан текширув ишлари олиб борилмоқда. Ҳозирча «Барселона» ҳеч нарсада айбланмаяпти, аммо бу коррупциялиги исботланса клуб жиддий жазоланиши - очко олиб ташланишидан тортиб лигадан хайдалишича бўлиши мумкин.