«Барса» ва «Реал» Шевальени кўзлашяпти

Sport.es хабарига кўра, 22 ёшли французга «Барселона» қизиқиш билдирмоқда, Шевалье тер Штеген ўрнига яхши вариант сифатида кўрилмоқда. «Лилль» ўз футболчисини 20 миллион еврога баҳоламоқда. Люканинг француз клуби билан шартномаси 2027 йилнинг ёзигача амал қилади. Жорий мавсум голкипер 16та учрашувдан 7тасини қуруқ ўтказган.

Realmadridexclusivo хабарига кўра, «Эль-Класико»даги омадсиз натижа туфайли «Реал» президенти Флорентино Перес янги дарвозабон сотиб олишга қарор қилган. Номзодлардан бири «Лилль» дарвозабони Лука Шевалье экани хабар қилинган. «Реал» Ла Лиганинг 11-туридан сўнг 24 очко билан 2-ўринда бормоқда. Карло Анчелотти шогирдлари «Барселона»дан 6 очко ортда қолишмоқда.