ЛЕГИОНЕРЛАРИМИЗ: Нисбатан сокин уик-энд
Италия. «Кальяри» «А» серия 34-турида Элдор Шомуродовнинг собиқ клуби - «Женоа» меҳмони бўлиб, ортга 0:3 ҳисоби билан қайтди.
«Рома»дан кетиши кутилаётган Элдор Шомуродов Европа топ-5 чемпионатларидаги ягона вакилимиз ҳисобланади.
Бироқ, Ўзбекистон миллий терма жамоасининг яна бир ҳужумчиси - Бобур Абдухолиқов ҳам энг кучли лигалардан бирига ўтиш мақсадида бир неча клублар таклифини рад этмоқда. Бобур Абдухолиқов 2022 йилги мавсумни Беларусь чемпионатининг олий лигасида «Энергетик-БГУ» таркибида ўтказди. Мавсум давомида 30та учрашувда қатнашган ҳамюртимиз рақиблар дарвозасини 26 маротаба ишғол қилиб, жамоасининг чемпионат кумуш медалига эга чиқишига катта ҳисса қўшди. Эндиликда у ўз имкониятларини кучли чемпионатларда синаб кўрмоқчи. Легионеримиз Беларусь журналистларига интервью бериб, режалари билан ўртоқлашди.
- «Энергетик-БГУ»да ажойиб мавсум ўтказдингиз. Бундай самарадорликка сизни ким илҳомлантирди?
- Кунига икки маҳал машғулот, истак ва мақсад.
- Интервьюлардан бирида клубдан кетишдан олдин минг марта ўйлаб кўраман, дегандингиз. Бу қарорга келишингизга сабаб бўлган омил қайси?
- Яхши чемпионатда ўйнашни истайман, мақсадим «топ-5» лигаларидан бири, айнан мана шу орзу сари қадам ташлашнинг айни пайти, деб ҳисоблайман.
- Беларусь клубларидан таклиф бўлдими?
- Йўқ.
- Ҳозир фаолиятингизни давом эттиришингиз учун вариантлар борми?
- Бор, Венгрия, Польша, Туркиядан таклифлар бўляпти.
- Кучли бешлик чемпионатлари жамоаларданчи?
- Турли клублардан бор.
- Пул ёки истиқболли клуб танлови юзага келса, қайси бирини танлайсиз?
- Истиқболли клубни танлайман, албатта.
- «Энергетик-БГУ» мухлисларига янги мавсум олдидан нималар дея оласиз?
- Мен уларга қўллаб-қувватлаб турганлари учун катта раҳмат айтаман ва уларни ҳамиша соғиниб қоламан. Янги мавсумда ҳам ўзлари яхши кўрган жамоани худди шундай қўллашда давом этишларини сўраб қоламан.
Бобур Абдухолиқовнинг
рекордлари
Тўпурар легионер - 26та гол;
Меҳмондаги голлар - 16та;
Энг фойдали легионер (гол+пас) - 32 очко;
Ғалаба голлари (Роман Василюк билан бирга) - 10та;
Дубллар (Андрей Хлебосолов билан бирга) - 6та.
Италия. «Кальяри» «А» серия 34-турида Элдор Шомуродовнинг собиқ клуби - «Женоа» меҳмони бўлиб, ортга 0:3 ҳисоби билан қайтди.
«Реал» ҳаётида чуқур из қолдиган бразилиялик Каземиро El Chiringuito de Jugones нашрига берган интервьюсида илк марта нега «МЮ»га кетишни хоҳлагани хусусида ошкора гапирди.
Ҳа, футбол олами ҳозиргача бир жамоа таркибида шу қадар сермаҳсул тўп сураётган қанот ҳимоячиларини дуч келмаганди
Introduction about the author of this blog
Манзил
214 West Arnold St. New York, NY 10002
Phone
+(123) 345-6789